Punëtorë dhe mjete të renda kane intensifikuar punen për mbylljen e argjinaturës së Vainit, e cila është çarë sërish në zonën e Tales në Lezhë. Përveç kompanive private, në operacion janë përfshirë edhe forcat e ushtrisë, që po hedhin sasi inertesh për të mbushur pjesën e dëmtuar të argjinaturës.
Ndërkohë, për shkak të çarjes, prurje të konsiderueshme uji janë duke depërtuar në kanalin Spiten–Hidrovor. Si pasojë, disa sipërfaqe tokash bujqësore në zonat e Treshit dhe Spitenit janë përmbytur, por pa rrezikuar zonat e banuara.
Situata po monitorohet në mënyrë të vazhdueshme nga strukturat e mbrojtjes civile, të cilat po vlerësojnë çdo ndryshim në terren për të garantuar ndërhyrje të shpejtë dhe sa më efikase.
