Invalidët e aksidentuar në punë po përballen me sfida të shumta. Presidenti I kësaj shoqate, Rasim Shahini tregon se problem kryesor mbetet mosrespektimi I hapësirave të parkimit të dedikuara për këtë kategori, kryesisht në zonat turistike Shirokë dhe Velipojë.
Shahini shton se problematikë për këtë shoqatë është edhe mungesa e një mjeti transporti, për nevojat e invalidëve.
Në qarkun Shkodër janë rreth 150 invalidë të aksidentuar në punë të cilët kanë nevojë për mbështetje më të madhe financiare, kushte më të mira jetese dhe vëmendje nga institucionet përgjegjëse.
