Piktorja shkodrane e cila jeton prej vitesh në Itali, Pranvera Gilaj është vlerësuar me çmimin “Dante Alighieri” për stilistikën e shprehur  në festivalin “Kultura dhe Identiteti” në Firenze i cili synon të promovojë dhe mbështesë artin bashkëkohor në fusha të ndryshme. Piktorja shkodrane ishte e vetmja shqiptare ndër 500 artistë nga e gjithë bota që u bë pjesë e këtij festivali me një pikturë të titulluar “Vallja e Vreshtave”…

Çmimin piktorja ja kushton vendlindjes së saj Shkodrës dhe të gjithë të rinjve shkodrane të cilët punojnë fort për ëndrrat e tyre…

Një vit më parë piktorja shkodrane Pranvera Gilaj ka hapur ekspozitën e saj në Itali ndërkohë që një nga ëndrrat e saj më të mëdha është të hap një ekspozitë në qytetin e saj në Shkodër.