Gjykata e Krimeve të Rënda lë në fuqi vendimin e bllokimit të pasaportës për ish ministrin e Brendshëm, Saimir Tahiri.Ky i fundit menjëherë pas vendimit deklaroi se “do të flasë shumë shpejt”. Avokati Maksim Haxhia deklaroi se e prisnin vendimin e Gjykatës dhe se do të ndërmarrim hapat ligjore Seanca ka zgjatur rreth 30 minuta dhe ish ministri mësohet të jetë deklaruar në seancë se ishte i interesuar të zbardhej e vërteta.
“Nuk ka rrezik ike, rreziku mund të ishte në fillim, unë jam i interesuar të dalë e vërteta. Nuk kam udhëtuar me asnjë makinë të një krimineli dhe nuk kam kryer asnjë vepër penale. Unë jam i interesuar të dalë e vërteta” është shprehur Tahiri.
Ish ministri i Brendshem u paraqit sot rreth orës 09:30 minuta në Gjykatën e Krimeve të Rënda për t’iu komunikuar masa shtrënguese që ka marrë ndaj tij gjykata, për bllokmin e pasaportes dhe mos lejimin e tij të largohet nga Shqiperia. Tahiri shoqërohej nga avokati i tij, Maksim Haxhia. Vendimi u mor nga gjyqtarja Liljana Baku, e cila është edhe gjyqtarja që ka shqyrtuar masën e sigurisë. Kërkesa për thirrjen e Tahirit është bërë në bazë të nenit 248 të kodit të proedurës penale, ku gjykata brenda pesë ditësh thërret personin ndaj të cilit është dhenë masa për tia komunikuar.
