Vendi do të vijojë të jetë nën ndikimin e masave ajrore relativisht të qëndrueshme dhe të nxehta edhe gjatë kësaj të hëne, duke sjellë mot kryesisht të kthjellët në pjesën më të madhe të territorit.
Sipas parashikimit, gjatë mesditës dhe pasdites do të ketë alternime të vranësirave, kryesisht në zonat malore të veriut dhe lindjes.
Në këto zona priten reshje shiu me intensitet të ulët dhe karakter lokal, të përqendruara kryesisht në relievet malore. Pjesa tjetër e vendit do të mbetet pa reshje.
Era do të fryjë nga veriperëndimi në verilindje me shpejtësi mesatare rreth 6 metra në sekondë, ndërsa valëzimi në dete do të jetë i forcës 1 deri në 2 ballë.
