Nevoja për investime konkrete në arsimin e lartë në Shkodër është rikthyer në vëmendje. Rektori i Universitetit “Luigj Gurakuqi”, Tonin Gjuraj, ka kërkuar mbështetje nga politika lokale dhe institucionet qendrore për ndërtimin e një kampusi universitar në Shkodër. Sipas tij, kjo nismë do të ishte një hap i domosdoshëm për forcimin e arsimit të lartë në veri të vendit dhe një mundësi reale për të mbajtur studentët shkodranë në qytetin e tyre.
Ndërkohë, rektori Gjuraj foli edhe për takimin në Malin e Zi ku është diskutuar konkretizimi I iniciativës për themelimin e insitutit të Albanologjisë.
Ndërtimi I kampusit universitar konsiderohet si një nga kërkesat kryesore të rektorit Tonin Gjuraj, I cili bën thirrje që kjo ide të marrë mbështetje të gjerë nga politika, media dhe qeveriam si një investim strategjik për zhvillimin arsimor dhe ekonomik të Shkodrës.
