Policia italiane ka arrestuar një shqiptar në autostradën e provincës së Potencës për trafik droge.

Identiteti i 42-vjeçarit nuk bëhet i ditur nga raportimet e medieve italiane, vetëm theksohet se ai është rezident në Shqipëri. Gjatë kontrollit të mjetit të tij, policia ka gjetur dhe sekuestruar 1 kilogramë kokainë. Sasi që përllogaritet të gjeneronte mbi 60 mijë euro nga shitja e drogës në doza të vogla.