Mesha e shenjtë e kësaj të shtune në Bazilikën “Nana e Këshillit të Mirë” në Shkodër u kremtua nën drejtimin e Eminencës së Tij, Kardinal Ernest Simoni Troshani. Para një numri të madh besimtarësh, Kardinali përcolli mesazhin e Pashkëve, duke i cilësuar si një festë me domethënie të thellë shpirtërore, ndërsa u bëri thirrje të rinjve të qëndrojnë larg imoralitetit dhe rrugëve që largojnë nga vlerat.
Kremtimi u zhvillua në kuadër të 70-vjetorit të meshtarisë së Kardinal Ernest Simoni Troshani, një përvjetor me rëndësi të veçantë për komunitetin katolik në Shkodër.
