Vllaznia do të presë të premten në orën 19:00 Tiranën në “Klasiken” e Shqipërisë”. Në prag të duelit që do të luhet në “Loro Boriçi”, dy futbollistët e klubit shkodran, Lirim Kastrati dhe Klinti Qato, dolën në konferencën për shtyp. Kastrati theksoi se Vllaznia do të marrë vetëm tre pikët me Tiranën, ndërsa shtoi se e kanë analizuar mirë ekipin bardheblu. Poashtu, sulmuesi kosovar kërkoi edhe mbështetjen maksimale të tifozëve shkodranë për ndeshjen ndaj Tiranës.
Edhe mesfushori Klinti Qato u shpreh se Vllaznia është përgatitur maksimalisht për ndeshjen, duke theksuar rëndësinë e përballjes ndaj Tiranës. Qato tha se synimi mbetet vetëm fitorja dhe vazhdimësia pozitive, ndërsa shtoi se ekipi kuqeblu ka kualitetin dhe mbështetjen për ta mbyllur sezonin me sukses.
