Në kuadër të fushatës elektorale, kandidati për deputet i Partisë Demokratike në qarkun Shkodër, Kliti Hoti, zhvilloi një takim me sportistë të disiplinave të ndryshme, ku u diskutua gjendja e mjerueshme e sportit në vend dhe mungesa e vëmendjes institucionale, gjithashtu theksi u vu dhe ndërveprimi qe duhet të ketë sporti me arsimin.
Kliti Hoti vuri theksin tek papërgjegjshmëria e qeverisë aktuale për këtë sektor dhe premtoi një qasje të re përmes programit të Partisë Demokratike.
Gjatë takimit, sportistët ndanë shqetësimet e tyre mbi mungesën e investimeve dhe pamundësinë për të zhvilluar talentin në vendin e tyre. Kliti Hoti siguroi se Partia Demokratike do të jetë zëri i tyre në Kuvend dhe partneri i tyre në çdo projekt për zhvillimin e sportit shqiptar.
