Klodiana Spahiu pritet të jetë emri i ri në krye të Ministrisë së Shëndetësisë dhe Mirëqenies Sociale, pas dorëheqjes së Evis Salës nga posti ministror.
Spahiu pritet të marrë drejtimin e dikasterit të Shëndetësisë, një ditë pas largimit të Salës nga qeveria. Spahiu është deputete e Partisë Socialiste dhe aktualisht mban postin e nënkryetares së Kuvendit. Në aktivitetin parlamentar ajo ka qenë e angazhuar edhe në çështjet e shëndetësisë.
Evis Sala dha dorëheqjen më 2 shtator, gjatë mbledhjes së qeverisë. Ajo bëri me dije se vendimi lidhet me angazhime të reja ndërkombëtare në fushat e onkologjisë, inteligjencës artificiale dhe inovacionit.
