Kryetari i PD-së Lulzim Basha tha se gjuha e ish-kryeministrit Sali Berisha i ka dyfishuar dhimbjen për vendimin e marrë ndaj tij, që solli përjashtimin nga grupi i PD.

Duke folur pas daljes nga seanca, Basha tha se shpreson që koha të jetë ilaçi më mirë dhe se duhet të fokusohemi tek armiku i vetëm që sipas tij është regjimi i Edi Ramës.

“Sot mund të duket si një ditë e vështirë për të folur për këtë betejë sepse në fakt është dhe dita e parë e kësaj beteje brenda kësaj salle. Pakica që ka marrë peng vullnetin e shqiptarëve dhe zotëron të gjitha mjetet e pushtetit është dhe mbetet pakicë. Detyra jonë që shumicën e shqiptarëve ta mobilizojmë në një betejë pa kthim.

Detyra ime detyra e çdo shqiptari është të bëjmë çdo gjë kundër të keqes. Kjo është një betejë që i takon çdo shqiptari dhe çdokush duhet të bëjë pjesën e vet.

Kam ndjekur me dhimbje të madhe reagimin e dr.Berishës, konsideratën për të cilin e kam shprehur, dhimbja që ndiej në nivel personal dhe njerëzor për vendimin është dyfishuar sot nga gjuha e zotit Berisha. Shpresoj dhe uroj që koha të jetë ilaçi më i mirë dhe të gjithë të fokusohemi tek armiku i vetëm që është regjimi i Edi Ramës”, deklaroi Basha.

Artikulli paraprakBASHA FLET ME EMRA PAS BRAKTISJES SË SEANCËS: DETYRA JONË, MPOSHTJA E KËTIJ REGJIMI
Artikulli tjetër“DUHET TË ISHTE NË BURG”, RAMA I PËRGJIGJET AKUZAVE TË BASHËS: TË MIRËKUPTUESHME, KJO S’ËSHTË DITË E LEHTË PËR PD, DUHET TË KEMI RESPEKT PËR TRAUMAT E TË TJERËVE