Bashkia Malësi e Madhe priti sot në ambientet e saj Komisionin për Çështjet e Brendshme dhe të Mbrojtjes të Kuvendin të Shqipërisë, në kuadër të vizitave monitoruese në njësitë e vetëqeverisjes vendore.
Qëllimi i vizitës ishte vlerësimi i funksionimit të njësisë së vetëqeverisjes vendore, ofrimit të shërbimeve publike, menaxhimit administrativ dhe koordinimit me institucionet qendrore.Gjatë takimit u prezantua puna e Bashkisë Malësi e Madhe, me fokus në performancën institucionale, shërbimet ndaj qytetarëve dhe bashkëpunimin ndërinstitucional në funksion të zhvillimit të qëndrueshëm të territorit.
