Shkollat 9-vjeçare “Gjergj Kastrioti” Lezhë, “Mark Trokthi” Kurbin, “Avni Rustemi” Kukes dhe “Ndre Mjeda” Shkoder janë 4 institucionet arsimore të cilat do të përfaqësojnë Drejtorinë Rajonalë të Arsimit Parauniversitar Lezhë, në finalen e konkursit kombëtar të Gjuhes-Shqipe. Ceremonia e shpalljes së katër shkollave fituese u organizua, përmes një aktiviteti në shkollen 9-vjeçare “Besëlidhja” në Lezhë, ku u vlerësua angazhimi i nxënësve dhe mësuesve në këtë veprimtari të rëndësishme për të nxitur përdorimin e saktë të Gjuhes Shqipe.
Pjesë e konkurimit në edicionin e tretë të konkursit të Gjuhes Shqipe u bënë 141 shkolla dhe 1073 nxënës të 10 zyrave arsimore të Drejtorisë Rajonale të Arsimit Parauniversitar Lezhë.
