Komisioni Qendror i Zgjedhjeve në Kosovë ka marrë sot vendim për certifikimin e listës përfundimtare të votuesve për zgjedhjet e jashtëzakonshme për kryetar të komunave në Veri.

Lajmin është konfirmuar nga zëdhënësi i KQZ-së, Valmir Elezi, i cili tha se lista votuese përmban 44 mijë e 939 emra të votuesve, 1 mijë e 189 më shumë se në zgjedhjet lokale të vitit 2021.

“Komisioni Qendror i Zgjedhjeve mori vendim për certifikimin e listës përfundimtare të votuesve për zgjedhjet e jashtëzakonshme për kryetar në komunat: Leposaviq, Zubin Potok, Zveçan dhe Mitrovicë e Veriut, të cilat do të mbahen më 18 dhjetor 2022. Kjo listë votuese përmban 44 mijë e 939 emra të votuesve apo 1,189 votues më shumë në krahasim me Zgjedhjet Lokale 2021. Votuesit janë të shpërndarë në 44 qendra të votimit me gjithsej 74 vendvotime”, tha Elezi.

Artikulli paraprakBILANCI I COVID-19 NË VEND, MSH: 18 RASTE TË REJA, ASNJË VIKTIMË NË 24 ORËT E FUNDIT
Artikulli tjetër8 DHJETORI, BASHA: ËNDRRA EUROPIANE QË NGRITI NË KËMBË STUDENTËT 32 VITE MË PARË, ËSHTË ENDE FRYMËZIM PËR TË RINJTË