Përmes një postimi në rrjetet sociale kreu i bashkisë Shkodër Benet Beci ka dhënë lajmin e mirë se UNESCO ka shpallur Arkivin e Muzeut Kombëtar “Marubi”, trashëgimi botërore!
POSTIMI I PLOTË
Dhe lajmet e mira s’kanë të sosur për Shkodrën dhe trashëgiminë e rrallë që ajo përcjell! UNESCO ka shpallur Arkivën e negativëve, objekteve dhe dokumenteve të Pietro dhe Kel Marubit si pjesë të Memory of the World International Register!
Arkivi i Muzeut Kombëtar “Marubi”, një nga thesaret më të çmuara të kujtesës sonë kombëtare, shpallet tashmë trashëgimi botërore! “Një urim i veçantë për Ministrin Blendi Gonxhe dhe Drejtorin e Muzeut, Luçjan Bedeni, për punën e palodhur në ngritjen e këtij muzeu dhe të kësaj pasurie në një nivel ndërkombëtar!
“Shkodra është vetë historia, në çdo gur themeli të kulturës dhe trashëgimisë kombëtare.
