Kryeministri i Kosovës Albin Kurti, u shpreh se trysni mbi të që t’i zbatojë marrëveshjet e dëmshme me Serbinë.

Kurti tha se zotimet shtetërore disa i ka hedhur Gjykata Kushtetuese, disa s’i zbaton Serbia e disa i ka hedhur populli.

“Ka trysni mbi mua që të zbatoj marrëveshjet e dëmshme me Serbinë. Zotimet shtetërore disa i ka hedhur Gjykata Kushtetuese, disa s’i zbaton Serbia e disa i ka hedhur populli. Kosova është subjekt në tavolinën e dialogut me Serbinë”, – u shpreh Kurti.

“Tirana pa identitet”, pasardhësit tirons: Mall për qytetin e dikurshëm, janë shkatërruar vlerat kulturore

Po ashtu, Kurti tha dialogu për të kurrë s’ka qenë prioriteti numër shtatë, dhe shtoi se ka bërë një lëshim, duke e vendosur kështu në numër 4.

“Dialogu kurrë s’ka qenë për mua prioriteti 7, pasi unë këtë s’e kam thënë, unë kam thënë se dialogu për qytetarët është në prioritetin numër 5,6 apo 7. Por unë e kam bërë një kompromis, pasi kam thënë se dialogu Kosovë-Serbi është prioriteti numër 4. Unë jam marrë me çështje tjera, duke filluar nga pandemia, ekonomia e drejtësia.”

Ai theksoi se do të ketë kapitull të ri të dialogut Kosovë-Serbi, pasi sipas tij, në këto 10 vite të dialogut janë bërë shumë koncesione.

“Dialogu tash e 10 vjet buron nga rezoluta e OKB-së, e 8 shtatorit 2010. Do të ketë kapitull të ri të dialogut që do të ketë takime. Në këto 10 vite janë bërë shumë koncesione. Dialogu ka degjeneruar shumë për këto vite.”