Ka ndërruar jetë ditën e sotme gazetari dhe publicisti shqiptar Andrea Stefani.
Stefani vuante nga një sëmundje e rëndë. Momentet e fundit të jetës së tij publicisti i ka kaluar në një spital në Romë, ku edhe ka mbyllur sytë. Ai ishte prekur nga një tumor në stomak, për fat të keq, kimioterapia e ndjekur në një spital në Romë nuk dha efektet e pritshme. Prej rreth 20 vitesh Stefani punonte si gazetar dhe opinionist në organe të ndryshme të medias shqiptare.
Ai njihej për qëndrimet dhe pikëpamjet jo konformiste.
