Ministri i Punëve të Brendshme, Besfort Lamallari, dha detaje se çfarë masash ka ndërmarrë Policia e Shtetit pas njoftimit të ambasadës amerikane, ku paralajmërohej se “grupet e lidhura me Iranin mund të shënjestrojnë subjektet e lidhura me Shtetet e Bashkuara ose elementë të opozitës iraniane në Shqipëri”.
“Vendi ynë,” është shprehur ministri Lamallari, “prej disa kohësh ka marrë masat e nevojshme në bashkëpunim me agjencitë ligjzbatuese dhe partnerët ndërkombëtarë.”
Për përdorimin e molotovëve nga opozita gjatë protestave, ministri i Punëve të Brendshme deklaroi se urdhëruesit dhe organizatorët e grupit molotov-hedhës do të dënohen sipas ligjit, pasi kanë rrezikuar jetën e qytetarëve dhe të efektivëve të Policia e Shtetit.
