Policia e Shkodrës ka zbuluar lëndë narkotike në një banesë, duke vënë në pranga poseduesin e saj.
Gjatë mbrëmjes së djeshme pas informacioneve të marra në rrugë operative se në banesën e Kleand Ahmetaj në lagjen “Naim Gjylbegu”, Shkodër kishte lëndë narkotike, u ushtrua kontroll.
Efektivët e policisë gjetën të fshehur në kavanoza turshie dhe kuti gjalpi 575 gramë lëndë narkotike të llojit kanabis sativa. Kjo çoi në arrestimin në flagrancë të 22-vjeçarit nën akuzën e veprës penale “Prodhimi dhe shitja e narkotikëve”.
Ndaj të dyshuarit hetimet janë në vijim, ndërkohë që materialet i’u referuan Prokurorisë së Shkodrës për ndjekje të mëtejshme
