Drejtoria Vendore e Policisë Lezhë
Specialistët për Hetimin e Krimeve të Komisariatit të Policisë Lezhë kanë referuar materialet në Prokurori, për shtetasin N. G., alias N. M., 32 vjeç, banues në Lezhë, pasi nuk i është bindur urdhrit të punonjësve të Policisë për të ndaluar automjetin që drejtonte.
Gjithashtu, po këta specialistë referuan materialet në Prokurori, për vlerësim, për shtetasin Gj. M., 64 vjeç, banues në Balldre, Lezhë, pas kallëzimit të bërë nga shtetasi N. V., 76 vjeç, banues në të njëjtin vend, i cili pretendon se ky shtetas i ka prerë degët e ullinjve, pa dijeninë e tij.
Materialet procedurale i kaluan Prokurorisë, për veprime të mëtejshme.
