Liljana reagonte… por unë e shtyva’. Dëshmia e burrit që hodhi bashkëshorten nga dritarja

52-vjeçari Ferdinand Ruko, që të shtunën hodhi gruan nga kati i katërt, do të vazhdojë të qëndrojë në qeli. Ky ishte vendimi i Gjykatës së Krimeve të Rënda. Në seancën e zhvilluar me dyer të mbyllura ai nuk pranoi të flasë. Televizioni Klan ka zbardhur një pjesë të dëshmisë së tij përpara hetuesve në Fier. Ai është shprehur i penduar për veprimin që kishte kryer, për faktin se tashmë dy fëmijët e tyre do të mbeteshin jetimë. Ferdinand Ruko: Shkova në shtëpi dhe Liljana nuk më pranoi. Nisëm grindeshim, i futa duart në fyt dhe e shtrëngova fort. I thashë: Mbylle gojën se kjo gojë e shkatërroi shtëpinë dhe familjen. Më goditi në fytyrë dhe më tha: Kriminel, gjakpirës. Më pas Ruko iu ka rrëfyer hetuesve si kishte hedhur gruan nga dritarja e tualetit të shtëpisë. Ferdinand Ruko: I vendosa duart e Liljanës poshtë sqetullave dhe e tërhoqa drejt tualetit. E ngrita me shpinë dhe e vendosa në parmaku i dritares. Liljana reagonte duke tentuar që të mbahej në anët e dritares, por unë shtyva atë duke e hedhur përjashta. Jam i penduar, pasi tani kam dy fëmijë jetimë. Më pas Ruko, ka pohuar se pasi kishte kryer krimin kishte njoftuar policinë, si dhe kishte telefonuar të vëllanë duke i thënë se çfarë kishte bërë