Në ditën e 100 të luftës nuk pati asnjë shenjë të rifillimit të bisedimeve për armëpushim.
Putin nga ana tjetër u tregua i hapur për të diskutuar për çështjen e grurit, por disponueshmëria është e kufizuar në portet e Mariupol dhe Berdyansk dhe në territorin bjellorus.
Ndërkohë, Kievi akuzon rusët se kanë sekuestruar sasi të mëdha të drithërave ukrainase dhe se e kanë dërguar në vende të ndryshme, përfshirë Turqinë.
Për sa i përket diplomacisë, në mungesë të kontakteve zyrtare mes Moskës dhe Kievit, NATO thotë se nëse bisedimet nuk do të rifillojnë, konflikti do të zgjasë me vite.
Brenda NATO-s ka “shqetësim në rritje” për faktin se “nëse ukrainasit dhe rusët nuk kthehen në tryezë për të kërkuar një marrëveshje, lufta mund të zvarritet me vite” .
