
Gjykata Kushtetuese ka bërë me dije se është marrë në shqyrtim padia e bërë nga deputetët e opozitës, kundër marrëveshjes Itali-Shqipëri për refugjatët.
Kështu GJK ka pezulluar ratifikimin, duke bërë që ditën e nesërme të mos mund të votohet kjo marrëveshje në Kuvend, sikurse ishte parashikuar. Lajmi konfirmohet për BalkanWeb nga gazetarja Klodiana Lala, e cila bëri me dije se kryetarja e GJK në një konferencë të jashtëzakonshme, njoftoi se pezullohen procedurat për këtë marrëveshje.
Seanca për shqyrtimin e padisë së opozitës do të mbahet në 18 janar, në orën 10:00.


