Mbërrin acari, borë dhe erëra të forta. I ftohti i acartë mbërrin në Shqipëri duke sjellë realisht stinën e dimrit.
Sipas të dhënave të Institutit të Gjeoshkencave, fundjava dhe ditët e para të javës do të shoqërohen me temperatura të ulëta që pritet të arrijnë deri në -7 gradë të shoqëruara me reshje dëbore në lartësinë mbi 700 metra. Festat e nëntorit do të shoqërohen në këtë mënyrë me të ftohtin e acartë i cili pritet të vazhdojë përgjatë gjithë javës. Gjatë këtyre ditëve nuk përjashtohen edhe reshjet me intensitet të dobët sidomos kjo në zonat e ulëta.