Nga e hëna baza e materialeve zgjedhore ka mbërritur në 4 KZAZ-të e bashkisë Shkodër, ku ditën e shtunë do të bëhet dhe shpërndarja e tyre në 246 qendrat e votimit. Në KZAZ-në 2 e cila është edhe më e madhja në këtë bashki me 106 qendra votimi, që përfshinë të gjitha njësitë administrative e vendosur në pallatin e sportit “Qazim Dervishi”, procesi është zhvilluar normalisht.
Materialet si kutitë, fletët e votimit dhe regjistrat e zgjedhësve, kanë mbërritur edhe pranë tre KZAZ- ve. Policia e Shtetit ka marrë në monitorim 4 KZAZ-të e Shkodrës me qëllim që të mos ketë problematika.
Ndërsa do të jenë rreth 150 mijë qytetarë në bashkinë Shkodër që kanë të drejtë vote në zgjedhjet parlamentare të 11 majit.
