Makina inteligjente ka evidentuar sërish të gjithë drejtuesit e mjeteve që kanë shkelur rregullat e qarkullimit. Siç njofton policia janë 334 drejtues mjetesh në shkelje, nga makina inteligjente, në rrugët e brendshme të kryeqytetit, në Unazën e Re dhe në rrugët interurbane që lidhen me Tiranën.

Sipas policisë 54 drejtues mjetesh me leje drejtimi të pezulluara, nga të cilët: 39 drejtues mjetesh janë evidentuar me shpejtësi deri në trefish mbi normën e lejuar në rrugët e brendshme të kryeqytetit dhe 15 të tjerë me shpejtësi mbi 30 km/h deri në 60 km/h më shumë se tabela e lejuar, në Unazën e Re dhe në rrugët interurbane.

Gjithashtu, nga verifikimi ka rezultuar se 86 drejtues mjetesh, krahas shpejtësisë, ishin duke përdorur edhe celularin gjatë drejtimit të mjetit, ndërsa 44 drejtues të tjerë, krahas shpejtësisë, janë evidentuar edhe pa rrip sigurimi.

Ndërkohë, të gjitha rrugët nacionale dhe urbane në të gjithë vendin po monitorohen me patrulla të lëvizshme të Policisë Rrugore, duke përdorur radarë, dragera, dronë, makina të paloguara, kamera e aparate fotografike.

Artikulli paraprakMOTI I KEQ ‘PUSHTON’ SICILINË, 80 FAMILJE BLLOKOHEN NGA PËRMBYTJET
Artikulli tjetërKOREJA E VERIUT KALON NË KRIZË EKONOMIKE, I SUGJEROHET USHQIMI I ÇUDITSHËM PËR TË SHMANGUR ZINË E BUKËS