Nje lajm i trishtë, ka mbuluar rrethin e gazetarëve dhe mediave ne Shkodër, këtë të hënë të 6 Shkurtit.
Një lajm që për gjithesecilin është e vështirë ta pranojë ndarjen e parakohshme nga jeta të Nexhat Rakaj, apo sic të gjithë e njihnin “Daja Xhatit”. Ai e humbi betejën me sëmundjen e pashërueshme, edhe pse në shumë pak kohë. Nexhat Rakaj , prej 17 vitesh ishte pjese aktive e medias me kameran e tij, në cilësinë e operatorit të televizioneve lokale në Shkodër si dhe atyre qëndrore, gjithmonë i përkushtuar dhe profesional në sektorin e tij, Daja Xhati ka përcjellë në ekran kronika të shumta , të cilat kanë kontribuar në pasqyrimin me vertetësi të jetes dhe aktivitetit të Shkodrës dhe rajonit verior në përgjithësi. Sot të gjithë kolegët, punonjësit e medias, të gjithë ato që e njohën dhe qëndruan së paku një herë me Daja Xhatin, kujton vullnetin, angazhimin, seriozitetin e tij, asnjeherë i lodhur dhe gjithmonë pranë kolegeve në cdo lloj situate. Të vështira janë fjalët, por sot me dhimbje të themi, lamtumirë
