Ish-deputeti i PS, Arben Ndoka ka reaguar pas vrasjes së vëllait të tij një ditë më parë në hyrje të banesës së tij.

Në një status në Facebook, Arben Ndoka thotë se vëllai i tij i ndershëm dhe që ka arritur gjithçka me sakrificë u vra “nga ligesite qe mbulohen nga erresira e nates” Aleksandër Ndoka u ekzekutua një natë më parë në derën e shtëpisë së tij nga persona ende të paidentifikuar.

Reagimi i ish-deputetit Arben Ndoka.

Vellai im i ndjere, ka kaluar nje jete me sfida e vuatje qe ne moshe te mitur.16 vjeç nisi punen tek ferma e Torovices, pastaj tek Fabrika e tullave, nje pune e rende per moshen, por fale kurajos dhe forces se tij nuk ndalej para asgjeje. Me vone punoi ne ndermarrjen frutore dhe ushqimore. Ishin pune te thjeshta, por ai kurre nuk pertoi. Nderkohe ndiqte dhe studimet. Kishte ambicie per te qene sa me i realizuar ne karriere, duke punuar per 17 vite ne Policine Ndertimore ( INUK), pastaj u be anetar i keshillit bashkiak, duke qene jo vetem aktiv politikisht, por njekohesisht i ndjeshem ndaj problemeve te cdokujt qe i paraqitej ne zyre apo ambjente te tjera. Ishte njeri i dashur per te gjithe, i suksesshem ne karriere dhe biznes, e aq shume energji jepte per njerezit dite dhe nate. Gjate gjithe rrugetimit te jetes se tij me ka bere krenar sepse linte kudo respekt dhe kishte vlerat qe i kane hije nje burri. Punoi me djerse dhe krijoi gjithcka me mund dhe sakrifice. Ky rrugetim u pre shum shpejt nga ligesite qe mbulohen nga erresira e nates. La pas shume njerez qe vajtojne per te, sidomos familja e tij. Qofsh i parajses Vellai im i dashur!