Në një atmosferë solemniteti dhe reflektimi të thellë shpirtëror, në Sheshin e Shën Pjetrit nisi mesha e Pashkës, e udhëhequr nga kardinali Angelo Comastri, i deleguar nga Papa Françesku. Ndërkohë që mijëra besimtarë ishin mbledhur për të ndjekur kremtimin më të rëndësishëm të kalendarit të krishterë, sytë dhe zemrat e tyre ishin drejtuar nga Ati i Shenjtë.
Papa Françesku, edhe pse nuk e udhëhoqi personalisht meshën, kishte përgatitur homelinë e kësaj dite të madhe, e cila u lexua nga kardinali Re. Siç kishte paralajmëruar një ditë më parë Selia e Shenjtë, Papa shprehu dëshirën e tij të fortë për të qenë i pranishëm në bekimin tradicional “Urbi et Orbi”, që pritet të mbahet nga ballkoni i Bazilikës së Shën Pjetrit një moment kyç i Pashkës që ndiqet me emocion nga miliona njerëz në mbarë botën.
Vetëm pak orë para Meshës së Vigjiljes, Papa u paraqit papritur në Bazilikën e Shën Pjetrit, duke u bashkuar shpirtërisht me besimtarët në lutje, një gjest që përcolli përulësi dhe dashuri të thellë për komunitetin.
Ky Pashkë, më shumë se kurrë, sjell me vete një thirrje për reflektim dhe përqafim të shpresës, në një botë që ka nevojë për paqe, drejtësi dhe dashuri më shumë se asnjëherë tjetër.
