Katedralja “Shën Shtjefni” e Shkodrës ka qënë mikpritësja e qindra besimtarëve, të cilët u mblodhën më meshën kushtuar të premtes së korpit të Krishtit.
E celebruar nga Arqipeshkvi i Dioqezës Shkodër-Pult, Angelo Massafra, mesha u ndoq më pas nga një procesion i bësimtarëve nga katedralja deri tek kisha Françeskane. Gjatë fjalës së tij, Imzot Massafra tha se kjo është një ngjarje e madhe dhe më tej shtoi njerëzit duhet t’i pranojnë mëkatet qe Zoti t’ua falë ato. Ngjarje të tilla fetare shërbejnë për të lidhur edhe më shumë besimin e njerëzve tek Zoti.
