Presidenti i Republikës Ilir Meta është takuar me një delegacion arbëresh teksa nuk ka munguar një dhuratë e veçantë. Kreu i Shtetit publikon foto nga takimi me kryetarin e Komunës Arbëreshe të Montecilfone, Rajoni i Molises, z. Giorgio Manes dhe delegacionin, që e shoqëronte, takim për të cilin thotë se ishte vëllazëror.

Meta shpreh të gjithë mbështetjen e tij për vizionin e z.Manes për binjakëzimin e komunave arbëreshe me bashkitë tona, në realizimin e projekteve të përbashkëta ekonomike, sociale, kulturore dhe artistike.

POSTIMI I PLOTË I PRESIDENTIT
🇦🇱❤️🇮🇹 Përherë i lumtur të mirëpres përfaqësues të komunitetit shumë të dashur Arbëresh, urë e fortë dhe shekullore lidhëse e marrëdhënieve tradicionalisht të shkëlqyera me popullin dhe Italinë mike.

Vëllazëror ishte edhe takimi me Kryetarin e Komunës Arbëreshe të Montecilfone, Rajoni i Molises, z. Giorgio Manes dhe delegacionin, që e shoqëronte, me të cilët zhvilluam një bisedë shumë të ngrohtë.

I lumtur të njihesha me përpjekjet e tij për mbrojtjen e gjuhës, kulturës dhe traditave arbëreshe, që meritojnë të promovohen dhe trashëgohen brez pas brezi.

I shpreha të gjithë mbështetjen time për vizionin e tij për binjakëzimin e komunave arbëreshe me bashkitë tona, në realizimin e projekteve të përbashkëta ekonomike, sociale, kulturore dhe artistike.

Përjetë mirënjohës komuniteti arbëresh, që mbetet sot ruajtësi i vetëm i gjuhës të Heroit tonë Kombëtar, Gjergj Kastrioti Skënderbeu, një thesar i madh për kombin tonë, për Italinë dhe për trashëgiminë europiane dhe botërore.

E falënderova Kryetarin Manes për dhuratën e veçantë që më solli, një shall të tifozëve kuqezinj arbëresh të Piana degli Albanesi.

Artikulli paraprakMAKINA PËRPLAS BIÇIKLETËN, PLAGOSET RËNDË 60-VJEÇARI
Artikulli tjetërARBITRI I NXJERR KARTON TË KUQ SHOKUT TË SKUADRËS, FUTBOLLISTI 20-VJEÇAR FUTET NË FUSHË DHE DHUNON ME GRUSHTE TRAJNERIN DHE LOJTARIN KUNDËRSHTARË