Deputeti i Partisë Demokratike Tritan Shehu ka reaguar pas vendimit të Komisionit Evropian për të miratuar certifikatën dixhitale të vaksinimit për Shqipërinë dhe 6 vende të tjera jo anëtare të BE.
Me një postim në Facebook Shehu shkruan se kjo është vetëm një lugë bosh për shumicën e shqiptarëve.
Sipas tij BE njeh vetëm vaksinat e miratuara nge EMA, Pfizer, Moderna, AstraZeneca e Johnson&Johnson, asnjë tjetër.
Ai shkruan se shqiptarëve nuk u njihet as formalisht ky proces vaksinimi, pra është nul edhe si dokument burokratik për lëvizjen jashtë kufijëve.
