Moti i keq me reshje shiu te cilat u shoqeruan me ngrica krijuan probleme ne rrugen e Kombit. Per shkak te prezences se akullit, pergjate segmentit Milot-Kalimash u regjistrun tre aksidente rrugore, ku janë përfshirë rreth 15 automjete, mes tyre një mikrobus me pasagjer dhe një autoambulancë e koncesionarit.
Nga aksidentet u dëmtuan gjashtë persona, të cilët kanë marrë ndihmën e nevojshme mjekësore në spitalin e Rrëshenit dhe fatmiresisht ndodhen jashtë rrezikut për jetën.
Njësia e Autostradave po monitoron situatën dhe lëvizjen e mjeteve, duke u kërkuar drejtuesve të automjeteve që të jenë të pajisur me goma dimërore. Ndërkohë, firmat mirëmbajtëse janë vënë në lëvizje për hedhjen e kripës në rrugë, me qëllim përmirësimin e kushteve të qarkullimit dhe shmangien e aksidenteve.
Megjithëse ulja e temperaturave ishte paralajmëruar, ka munguar nderhyrja ne kohe per hedhjen e kripes ne rruge e po ashtu shumë drejtues mjetesh nuk i kanë marrë masat e nevojshme dhe janë gjetur të papërgatitur.
