Një grua ka goditur me thikë vëllain e saj në rrethana akoma të paqarta.
Ngjarja ka ndodhur në Deçan paraditen e djeshme kur motra ka goditur vëllain e saj me një mjet të mprehtë.

Mësohet se djali është dërguar mënjeherë në spital, ku po mbahet nën mbikëqyrje nga mjekët.

Siç njofton Policia, e dyshuara kishte probleme mendore dhe për këtë shkak prokurori ka marrë vendim që ajo të dërgohet për shërim në repartin e psikiatrisë.

“Deçan 23.11.2019 – 11:40. Është arrestuar e dyshuara femër K-Sh. pasi që e njëjta me një mjetë të mprehtë ka therur vëllain e saj viktimën mashkull K-Sh..

Viktima ka pranuar tretman mjekësor. Pasi që e dyshuara kishte probleme mendore, me vendim të prokurorit është dërguar për shërim në repartin e psikiatrisë”, thuhet në njoftimin e policisë.