Në shtëpinë muze “Sami Repishti” është zhvilluar ceremonia e edicionit të IV të festivalit ndërkombëtar “Gegnisht 2025”, një konkurs letrar që promovon dhe nxit krijimtarinë gegnisht si pjesë e identitetit kulturor shqiptar. Në fjalën e saj përshëndetëse , Andita Repishti, vajza e Sami Repishtit vlerësoi nismën si një mënyrë për të mbajtur gjallë kujtimin e figurave të mëdha të kulturës shqiptare.
Në këtë edicion janë pesë çmime kryesore, “Ndre Mjeda” për poezinë më të mirë, “Gjon Shllaku” për përkthimin më të mirë, “Ernest Koliqi” për prozën më të mirë, “Arshi Pipa” për esenë më të mirë, dhe çmimi I festivalit “Sami Repishti”. Fituesit e çmimeve shprehen mirënjohjen për vlerësimin ndaj tyre.
