Shtetet e Bashkuara kanë ndërmarrë sanksione ndaj një prokuroreje boshnjake, e cila është vlrerësuar se është e përfshirë përfshirë drejtpërdrejt ose tërthorazi në korrupsionin në lidhje me Ballkanin Perëndimor dhe në politika që minojnë proceset ose institucionet demokratike në rajon.

Sipas njoftimit të shpërndarë në faqen zyrtare të Departamentit Amerikan të Thesarit, Diana Kajmakovic, prokurore shtetërore në Prokurorinë e Shtetit të Bosnjë-Hercegovinës, ka abuzuar me detyrën për të ndihmuar kriminelët, përfshirë trafikantët e drogës për t’iu shmangur drejtësisë.

Rasti i saj është cilësuar si emblematike e korrupsionit endemik në institucionet publike të Bosnjes dhe përfaqësuese e një sistemi në të cilin njerëzit në pushtet vënë përfitimin e tyre personal dhe politik përpara nevojave të qytetarëve.

Departamenti i Thesarit bën me dije se programi i sanksioneve të Shteteve të Bashkuara për Ballkanin Perëndimor synon individë dhe entitete që minojnë ose kërcënojnë marrëveshjet dhe institucionet e pasluftës të krijuara si pjesë e paqes së fituar me vështirësi dhe Marrëveshjes së Paqes të Dejtonit.

Më tej në njoftim thuhet se Bosnje e Hercegovina po përballet me krizën e saj më serioze politike që nga viti 1995, e kufizuar nga partitë politike etno-nacionaliste që shfrytëzojnë rrjetet e patronazhit për të mbajtur pushtetin dhe pasurinë. Për më tepër, sistemi i drejtësisë në vend është gjithnjë e më shumë i kapur dhe nën kontrollin e partive politike dhe rrjeteve të tyre të patronazhit.

“Shtetet e Bashkuara do të vazhdojnë të përdorin të gjitha autoritetet në dispozicion për të nxitur përgjegjësinë për ata që përfshihen në aktivitete korruptive ose minojnë proceset dhe institucionet demokratike të Bosnje”, thuhet në njoftim.

Artikulli paraprakANALIZA E VOA: SI I FITOI ZGJEDHJET NË ITALI NJË PARTI ME RRËNJË NEOFASHISTE?
Artikulli tjetërTRUPAT E PUTIN VENDOSEN PRANË VENDIT FQINJ, RUSËT I TREMBEN MBYLLJES SË MUNDSHME TË KUFIJVE NGA KREMLINI