Merr flakë kampi i romëve në Shkodër
Një zjarr ka përfshirë sot në orët e para të mëngjesit kampin social të komunitetit rom në Shkodër. Fatmirësisht, nuk raportohet për të lënduar, por zjarri ka shkaktuar dëme të konsiderueshme materiale.
Kampi, i ndërtuar me kontejnerë të posaçëm për strehimin e komunitetit rom. Në vendngjarje kanë mbërritur menjëherë forcat zjarrfikëse dhe policia, të cilat kanë bërë të mundur izolimin e flakëve dhe shmangien e një tragjedie të mundshme.
Ky kamp social, me një vlerë totale prej 71 milion lekësh, është financuar nga qeveria shqiptare, ndërsa 25% e fondit është mbuluar nga Bashkia Shkodër. Aktualisht, në këto kontejnerë jetojnë mbi 142 banorë të komunitetit rom, të cilët më parë banonin në kushte ekstreme varfërie dhe pasigurie.
