Ligjvënësit francezë kanë rekomanduar ndryshime të shumta në shërbimet e inteligjencës së vendit, për shkak të rreziqeve nga terrorizmi ndërkombëtar.

Thirrja për reforma përfshin unifikimin e shërbimeve të ndryshme të inteligjencës në një agjenci të vetme kombëtare kundër terrorizmit. Rekomandimet janë rezultat i një hetimi parlamentar, i cili është ngritur pas sulmeve terroriste në Paris, më 13 nëntor. “Të ballafaquar me kërcënimin e terrorizmit ndërkombëtar, duhet të jemi më ambiciozë sa i përket inteligjencës”, tha kryetari i komisionit hetues, Georges Fenech. Sulmet në Paris kanë lënë të vrarë 130 veta. Përgjegjësinë për to e ka marrë grupi militant Shteti Islamik. Pas sulmeve të 11 shtatorit, 2001, Shtetet e Bashkuara kanë kombinuar një numër agjencish të lidhura me sigurinë në kuadër të Departamentit për Siguri Kombëtare.

Artikulli paraprakFITER BAJRAMI, UROJNË POLITIKANËT; NISHANI-BESIMTARËVE: KJO DITË T’JU NDRIÇOJË SHPIRTIN
Artikulli tjetërI FTOHTI EKSTREM PËRFSHINË PERUNË, DËBORA MBULON 15 KRAHINA