Një ngjarje tragjike ka ndodhur sot në lagjen “Guerile” në Shkodër, ku një 47-vjeçar ka humbur jetën në oborrin e banesës së tij.
Shtetasi P. L. dyshohet se ka rënë në kontakt me energjinë elektrike gjatë kohës që po kryente punime. Ai është gjetur pa shenja jete nga familjarët. Policia ka nisur hetimet për zbardhjen e plotë të rrethanave.
Njoftimi i policisë:
Në lagjen “Guerile”, është gjetur pa shenja jete, në oborrin e banesës së tij, shtetasi P. L., 47 vjeç, i cili dyshohet se gjatë kohës që po kryente disa punime në oborr, ka rënë në kontakt me energjinë elektrike dhe, për pasojë, ka humbur jetën.
Ndërkohë, policia po vijon hetimet edhe
në lagjen “Fahri Ramadani”, shtetasi spanjoll M. G., 50 vjeç, gjatë qëndrimit në një banesë të marrë me qira, aksidentalisht është përplasur me xhamin e ballkonit të kësaj banese dhe ka rënë mbi copat e xhamit. Si pasojë ka pësuar disa dëmtime në trup dhe, pas marrjes së ndihmës në Spitalin Rajonal Shkodër, është larguar në banesë.
Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori, ku nisi procedimi në gjendje të lirë për shtetasin D. P., 56 vjeç, banues në fshatin Vrakë, pasi u kap duke transportuar 9 m³ lëndë drusore të dyshuar të prerë në mënyrë të kundërligjshme. Lënda drusore u sekuestrua me cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
https://youtu.be/qiIC3bNYXt8
