Një vajzë tentohet të trafikohet për prostitucion drejt Italisë

Një vajzë nga Berati ka denoncuar në polici një djalë të ri pasi sipas saj, ai ka tentuar ta trafikojë drejt Italisë. Policia ka nisur procedimin në gjendje të lirë për shtetasin Dh.S, 31 vjeç, banues në Berat. Në bazë të kallëzimit të bërë nga 19 vjeçarja J.K., banuese në Berat, dyshohet se 31 vjeçari Dh.S., ka tentuar për ta trafikuar dhe shfrytëzuar për prostitucion në shtetin italian. Nuk dihet nëse mes djalit dhe vajzës ka pasur ndonjë lidhje apo njohje të mëparshme, por policia ka nisur hetimet për veprime të mëtejshme. Materialet i kaluan Prokurorisë së Rrethit Gjyqësor Berat, për veprat penale ”Trafikimi i personave të rritur” dhe “Heqja e pa ligjshme e lirisë”.