Kanë shitur lulet e mbjella në kopshtin e shtëpisë për të blerë libra për bibliotekat e shkollave. Protagonistë janë nxënësit e shkollës 9-vjeçare “Besëlidhja” në Lezhë.
Të ndihmuar nga prindërit, ata e vijuan traditën edhe këtë vit, duke shitur lulet, dhe me paratë e mbledhura kanë blerë libra.
Kjo iniciative e cila vijon prej 13-vitesh është zgjeruar, dhe librat që do të blihen do të dhurohen edhe për bibliotekat e shkollave të tjera.
Nga aktivitetet e viteve të shkuara janë blerë më shumë se 200 libra për fëmijë, ndërsa kjo iniciativë ka të bëjë me edukimin ekonomik, mjedisor dhe nxitje për të lexuar.
