Në shkollën “Atë Pjetër Meshkalla” në Shkodër u organizua “Panairi i Nismave Rinore kundër Dhunës me Bazë Gjinore”, një aktivitet që shënon edhe përmbylljen e fushatës së 16 ditëve të aktivizimit kundër dhunës.
Në këtë panair u prezantuan 11 nisma inovative, të hartuara nga nxënës të 11 shkollave të ndryshme të Shkodrës. Psikologia tek organizata “Gruaja tek Gruaja”, Suela Domnori, theksoi se qëllimi i këtij aktiviteti është krijimi i një hapësire ku të rinjtë të shprehin zërin e tyre, të diskutojnë hapur problematikat e dhunës me bazë gjinore.
Mesazhi kryesor i kësaj nisme është minimizimi dhe parandalimi i çdo forme të dhunës, duke filluar nga ndërgjegjësimi i brezit të ri.
Në fund të aktivitetit u përzgjodh si nisma më e mire iniciativa e shkollës Dituria, e cila do të mbështetet për zbatim në mars të vitit 2026 nga organizata Gruaja tek Gruaja.
