Kryeministri i Shqipërisë, Edi Rama, ka qëndruar sot në Beograd ku ka marrë pjesë në samitin e organizuar në kuadër të “Open Balkan”.
Për të provuar se iniciativa ka sukses, në kryeqytetin e Serbisë ishte organizuar edhe një panair i verës e ku kanë marrë pjesë prodhues nga vende të ndryshme.
Në një video të publikuar nga kryeministri i Malit të Zi, Dritan Abazoviç, shihet se si kryeministrit Edi Rama i ofrohet një gotë verë e kuqe për ta degustuar, megjithatë Rama vetëm i merr erë dhe nuk e provon fare.
Tre kryeministrat e tjerë, ajo e Serbisë, ai i Malit të Zi dhe i Maqedonisë së Veriut së bashku me presidentin serb Vuçiç e shijojnë dhe trokasin gotat, ndërsa Rama e lë në tavolinë pasi bën gëzuar.