Pas rreth 30 vitesh, banorët e lagjes Dushse në Vau-Dejës kanë tashmë një rrugë të rehabilituar dhe të shtruar. Gjendja e amortizuar e rrugës prej vitesh ishte kthyer në një problem të përditshëm për banorët, të cilët kishin kërkuar ndërhyrjen e bashkisë për përmirësimin e saj.Kryetari i Bashkisë Vau-Dejës, Kristian Shkreli, thotë se rehabilitimi i këtij aksi ishte një kërkesë e drejtpërdrejtë e komunitetit dhe se ndërhyrja synon t’u krijojë banorëve kushte më të mira lëvizjeje. Sipas tij, përmirësimi i rrugës është veçanërisht i rëndësishëm për fëmijët, të cilët e përdorin atë çdo ditë për të shkuar në shkollë dhe për lëvizjet e tyre.
Me përfundimin e punimeve, pritet të lehtësohet qarkullimi i mjeteve dhe lëvizja e këmbësorëve, duke përmirësuar ndjeshëm aksesin e banorëve me pjesët e tjera të zonës. Ndërhyrja vjen pas një periudhe të gjatë, gjatë së cilës rruga kishte mbetur në gjendje të amortizuar dhe pa një investim të plotë.
