Në ditën e parë të hapjes së fushatës elektorale të Partisë Demokratike në Shkodër drejtuesi politik i PD për këtë qark Helidon Bushati zhvilloi një takim me banorë të lagjes “Perash”, zonë në të cilën lindi dhe u rrit.
Bushati në këtë takim kërkoi mbështetje për Partinë Demokratike ndërsa tha se Rilindja e Edi Ramës ka nepërkëmbur Shkodrën në 8 vite me radhë.
Shkodra është një prej qyteteve që po shpopullohet dita ditës tha Bushati ndërsa deklaroi se e vetmja zgjidhje për ta shpëtuar qytetin por edhe Shqipërinë është largimi i kryeministrit Rama.
Banorët e lagjes “Perash” i dhanë mbështetjen e plotë Helidon Bushatit duke thënë se vota e tyre do të jetë për Partinë Demokratike.