Kaosin e një dite më parë në Kuvendin e Shqipërisë, ku depuetët e opozitës dogjën karriget dhe sulmuan fizikisht disa përfaqësues të mazhorancës, Ministri i Brendshëm Ervin Hoxha e ka quajtur një akt vandalizmi. Hoxha ka reaguar përmes një statusi në Facebook, ku ka theksuar se parlamenti është një tempulli më i lartë i një sistemi demokratik.
Mesazhi i ministrit të Brendshëm
Flakët e zjarrit, pasditen e djeshme, në dyert e Kuvendit të Shqipërisë, që është tempulli më i lartë i një sistemi demokratik, janë akt që përdhos ndjenjat e qytetarëve të këtij vendi. Kuvendi mbetet thelbi i shprehjes së vullnetit dhe besimit të votuesve, ndaj çdo akt vandalizmi brenda apo në dyert e tij, është absolutisht i papranueshëm dhe i ndëshkueshëm ligjërisht.
Ishin akte të rënda dhune dhe vandalizmi.
Në Parlament nuk vihet me shishe benzine, por për të ushtruar lirinë e të drejtës së fjalës mbi bazën e mandatit që merr nga zgjedhësit.
