Një korçar është vënë në pranga pasi ka dhunuar vëllain e tij dhe më pas gjatë shoqërimit për në polici, ka goditur edhe uniformat blu. Pas këtyre ngjarjeve, policia ka vendosur që të ngrejë ndaj tij jo pak, por plot 4 akuza.
Në pranga është vënë Simon Kupe, 38 vjeç, banues në Korçë. Arrestimi i tij u bë pasi një ditë më parë në lagjen numër 18 në Korçë, ky person për motive të dobëta ka ushtruar dhunë fizike e psikologjike ndaj vëllait të tij V. Kupe, 48 vjeç. Simon Kupe ka kundërshtuar punonjësit e policisë gjatë shoqërimit të tij për në ambientet e Komisariatit. Gjithashtu gjatë kontrollit që shërbimet e Policisë kanë ushtruar në banesën e këtij të fundit, iu gjet dhe sekuestrua në cilësinë e provës materiale 1 armë gjahu me 46 copë fishekë, si dhe një thikë me teh të dhëmbëzuar, që i posedonte pa lejen e organeve përkatëse.
Dosja i ka kaluar Prokurorisë së Korçës për akuzat e ‘Dhunës në familje’, ‘Kundërshtimi i punonjësit të policisë së rendit publik’ , ‘Prodhimi, mbajtja, blerja apo shitja pa leje e armëve të ftohta’ dhe ‘Prodhimi dhe mbajtja pa leje e armëve të gjuetisë dhe sportive’
