Moti i keq me reshje të dendura shiu kanë shkaktuar përmbytje të mëdha në veri të Italisë.
Autoritetet shpallën gjendjen e emergjencës në disa zona pranë Parmës, ku lumenjtë kanë dalë nga shtrati. Mbi 2 mijë banorë u evakuuan në një zonë të banuar pranë lumit Enca, pasi niveli i ujit tejkaloi barrierat. Qindra pjesëtarë të ekipeve të emergjencës janë në terren për të ndihmuar personat në nevojë.
