Prefektja e Qarkut Shkodër, Majlinda Angoni, ka dhënë një përditësim mbi situatën e zjarreve në territorin e qarkut gjatë 24 orëve të fundit, duke bërë me dije se situata është qetësuar dhe aktualisht është plotësisht nën kontroll në të gjitha bashkitë.
Përditësim mbi situatën e zjarreve në Qarkun Shkodër
Në vijim të angazhimit të vazhdueshëm për monitorimin dhe menaxhimin e situatave të emergjencave civile, ju përcjelll një përmbledhje të situatës së zjarreve në territorin e #QarkuShkoder gjatë 24 orëve të fundit.
🌧️ Falë kushteve atmosferike më të favorshme, me rënie të lehtë të temperaturave dhe reshje të lokalizuara shiu, si dhe ndërhyrjes së shpejtë e të koordinuar të strukturave përgjegjëse, situata paraqitet aktualisht e qetë dhe plotësisht nën kontroll në të gjitha bashkitë e qarkut.
🟢 Gjendja sipas bashkive:
🔹 Bashkia Shkodër
Pas një vatre aktive në zonën e Pentarit gjatë natës, zjarri është neutralizuar rreth orës 05:00 të mëngjesit ndërkohë aktualisht, nuk ka vatra zjarri aktive dhe situata mbetet e qëndrueshme.
🔹 Bashkia Malësi e Madhe
Mbrëmjen e djeshme janë raportuar tre vatra zjarri në Delaj dhe Rraz-Vesht (Nj.A. Kastrat), Gruemirë-Çezmë (Nj.A. Gruemirë), Kamicë (Nj.A. Qendër). Zjarret u shuan me sukses rreth orës 03:00 pas mesnate, falë angazhimit të strukturave vendore dhe forcave zjarrfikëse dhe nuk janë regjistruar dëme në banesa apo prona private.
Lidhur me territorin në Bashkitë , Fushë-Arrëz, Vau Dejës Pukë nuk janë raportuar incidente apo vatra zjarri gjatë 24 orëve të fundit. Situata është e qetë dhe nuk ka pasur asnjë raportim për emergjenca.
✅ Të gjitha strukturat e angazhuara mbeten në gatishmëri të plotë dhe po vijojnë monitorimin intensiv të territorit, me qëllim reagimin në kohë reale ndaj çdo rreziku të mundshëm që mund të paraqitet.
